1YA sigue di jacuentuse sija acomparasion sija. Un taotao mananom gui fangualuan ubas, ya jacolat nu trongcon tituca, ya manguadog un joyo para un lagat ya jafatinas un tore, ya jaatquila y manfafachocho, ya mapos g�e malag otro tano.
2Ya anae esta tiempo, jatago uno gui tentago�a para ayo y manmachochocho, para ujaresibe guinen manmachochocho y tinegcha y fangualuan ubas.
3Ya macone y tentago, ya masaulag, ya manajanao taesinajguan.
4Ya jatago talo y otro tentago�a; ya mapoca y ilu�a, ya manataelaye g�e gosdangculo.
5Ya jatalo tumago y otro, ya mapuno; yan otro megae ya palo manmasaulag yan palo manmapuno.
6Ya guaja unoja laji�a na sumenya�a; ya g�iya uttimo jatago, ileg�a: Ufangaerespeto ni y lajijo.
7Ya ayo sija y manmachochocho, ileg�ija gui sumanjalom�ija. Estag�e y eredero; nije tapuno, ya y fangualuan uiyota.
8Ya macone g�e, ya mapuno, ya mayute juyong gui fangualuan.
9Jafa pago ufatinas y magas y fangualuan? Ufato, ya uyulang todo y manmachochocho, ya ufannae otro ni y fangualuan.
10Taya nae intaetae este na tinigue: Y acho, ni y jarechasa y manmanmatitinas ni y guima, esteja mapolo cuentan ulo gui esquina.
11Este finatinas y Se�ot, ya janafanmanman gui menan atadogta.
12Ya maaliligao para umagote lao manmaa�ao ni y linajyan taotao; sa matungo na jasasangan y acomparasion contra sija: ya madingo, ya manmapos gui jinanao�ija.
13� Ya manmatago guato guiya g�iya palo gui Fariseo sija yan taotao Herodes; para umaquegacha gui sinangan�a.
14Ya anae manmato, ileg�ija nu g�iya: Maestro, intingo na jago magajetjao; ya taya unadadaje ni un taotao; sa ti guaelaye nu jago y finaboresen taotao, lao mamananag�ejao ni y magajet na chalan Yuus. Tunas na infanmanaejam tributo as Sesat, pat aje?
15Innae, pat mungajam numae? Lao si Jesus jatungoja y quinado�ija, ya ileg�a nu sija: Jafa muna na intietientayo? maela un denarion salape ya julie.
16Ya anae machulie guato, ileg�a nu sija: Iyon jaye este na imagen yan tinigue? Yleg�ija nu g�iya: Iyon Sesat.
17Ayonae si Jesus ileg�a nu sija: Nae si Sesat ni y iyon Sesat, ya si Yuus ni y iyon Yuus. Ya ninafangosmanman nu g�iya.
18� Ya manmato guiya g�iya y Saduseo sija ni y ileg�ija, na taya quinajulo y mannatae; ya mafaesen g�e, ileg�ija:
19Maestro, jatuguiejam si Moises: Yanguin y chelun un taotao matae, ya y palaoan ni y asagua�a sumaga ya taya patgon�a, ayo y laje ni y chelun y matae, uasagua talo y palaoan, ya ufamasemiya gui chelu�a.
20Ya guaja seite lalaje na ma�elu: y finenana umasagua, ya matae ti mapolo semiya:
21Inasagua talo y palaoan ni y mina dos, ya matae talo taya pinelo�a semiya: ya y mina tres taeg�ijeja talo.
22Ya y siete, ti mapolo semiya�ijo; despues di todos, matae y palaoan locue.
23Y quinajulo y manmatae, jaye guiya sija ugae asagua y palaoan? sa todo y siete manmasagua.
24Si Jesus ileg�a nu sija: Ada ti manlache jamyo, sa ti intingo y tinigue, ni y ninasi�an Yuus?
25Sa y mangajulo guinen manmatae, ni ufanasagua, ni umanafanasagua; lao manparejoja yan y angjet sija gui langet.
26Ya y manmatae ni y ufannacajulo; ti untaetae gui leblon Moises, jaftaemano si Yuus gui jalomtano guiya trongcon jayo ni y ileg�a as Moises: Guajo si Yuus Abraham, yan si Yuus Ysaac, yan si Yuus Jacob?
27Ti g�iya si Yuus y manmatae, na si Yuus y manl�l�l�; enaomina ninafangoslache jamyo.
28� Ya uno gui escriba mato, ya jajungog na manafaesen entresija, ya jatungo na mauleg inepe�a nu sija, finaesen g�e: Jafa y finenana qui todo na tinago?
29Si Jesus manope: Este y finenana na tinago: Jingog O Israel: Y Se�ot Yuusta, unoja na Se�ot:
30Ya guaeya jamyo y Se�ot, Yuusmiyo, contodo y corasonmiyo, yan contodo y antenmiyo, yan contodo y jinasonmiyo, yan contodo y minetgotmiyo.
31Ya este y segundo: Guaeya y tiguangmo parejo yan jago. Taya otro tinago mas, mandangculo qui estesija.
32Ya y escriba ileg�a nu g�iya. Magajet Maestro, mauleg na unsangan na g�iya unoja; ya taya otro na g�iyaja.
33Ya ugumaeya g�e contodo y corason, yan contodo y tiningo, yan contodo y minetgot, yan ugumaeya y tiguang�a parejo yan g�iya, mas qui todo y inefrese, yan y ninae sija.
34Ya anae jalie si Jesus ni y minejnalom inepe�a, ileg�a nu g�iya: Ti chagojao gui raenon Yuus. Ya taya ni un taotao fumaesen g�e talo desde ayo.
35� Ya maninepe as Jesus gui anae mamananag�e gui templo, ileg�a: Jafa na ileg�ija y escriba sija, na si Cristo Lajin David?
36Sa si David mismo ileg�a gui Espiritu Santo: Y Se�ot ileg�a ni y Se�otto: Fatachong gui agapa na canaejo, asta qui jupolo y enemigumo sija gui papa y fa�ajangan adengmo.
37� David jafanaan g�e Se�ot; ya jaftaemano na y laji�a? Ya manmagof y dangculon linajyan taotao sija anae majungog.
38� Ya ileg�a gui finanag�e�a: Adaje jamyo ni y escriba sija, sa yan�ija manjanao yan y anaco magago�ija, yan yan�ija manmasaluda gui metcado,
39Yan y manmagas na tachong gui sinagoga, yan y ya jululo na tachong gui guipot;
40Ni y jatucho y guima y biuda sija, ya janafananaco tinaetae�ija ni y dinague: este sija ujaresibe dangculo na sentensia.
41� Ya anae matachong si Jesus gui menan y cajon ni y para y ninae; megae na taotao manmato, ya manmanyute jalom salape gui cajon; ya y megae na manrico sija, megae yinite�ija jalom.
42Ya mato un pobble na buida; ya manyute jalom dos cobble na bale buente un centavos.
43Ya si Jesus jaagang y disipulu�a, ya ileg�a nu sija: Magajet jusangane jamyo: Este y pebble na biuda, mas megae yinite�a jalom qui ni todo ayo sija y guinen manmanyute jalom gui cajon.
44Sa todo y manmanyute jalom, pot y minegae�ijaja; lao g�iya pot y minalago�aja na jayute jalom todo y g�inaja�a; asta y sustento�a todo.