1YA susede un rato despues na jajanaog�e y siuda sija yan y sengsong sija manpredidica, yan numanafanungo nu y ibangelion y raenon Yuus; ya ma�isija yan y dose,
2Ya palo sija famalaoan ni guinin nanafanmagong ni manaelayen espiritu yan y chetnot sija; si Maria ni mafanaan magdalena ni jumuyong guiya g�iya siete na manganite,
3Ya si Juana, asaguan Chusa, mayetdomon Herodes; yan si Susana yan megae ni pumalo ni jasesetbe ni g�inaja�ija:
4� Ya anae manda�a y dangculon linajyan taotao, yan y manestaba cada siuda manmato guiya g�iya, jacuentuse pot un acomparasion.
5Un t�tanom jumanao para ufananom y semiya�a; ya anae manmananom, palo podong gui oriyan chalan; ya todo magacha, ya manmato sija y pajaro gui langet ya macano.
6Yan palo mamodong gui jilo acho; ya anae lachog, ninamalayo sa ti fofotgon.
7Yan palo mamodong gui jalom tituca; ya mandoco ma�ija y tituca, ya chiniguit.
8Yan palo mamodong gui mauleg y tano; ya mandoco, ya manogcha siento pot uno. Ya anae esta jasangan estesija umagang: Y gaetalanga para ufanjungog, uecungog.
9� Ya y disipulu�a sija mafaesen g�e: Jafa este na acomparasion?
10Ya guiya ileg�a: Esta manmannae jamyo para intingo y misterion y raenon Yuus lao y pumalo pot acomparasion; para ujaaatanja ya ti ujalie, yan ujaecungogja ya ti ujatungo.
11Pues este ayo na acomparasion: Y semiya y sinangan Yuus.
12Y gui oriyan chalan ayo sija y jagas jumungog; ya despues mato y manganite ya janasuja y sinangan gui corason�ija sa ti mojon ufanmanjonggue ya ufanmasatba.
13Ya y jilo acho, ayo sija y anae jajungog, jaresibe y sinangan nu y minagof; lao estesija manaejale; sa jajonggue un ratoja, lao anae mato tentasion mamodong.
14Ya y pedong gui jalom tituca, este sija y jumungog; ya mientras jumanao gui chalan�ija, manchiniguit ni inadaje�i�ija, yan y g�inaja, yan y minagof tano gui este lin�l�, ya ti jumuyong tinegcha�ija cabales.
15Lao ayo y mangaegue gui mauleg na tano, este sija na guinin jumungog y sinangan gui corason ni mauleg yan tunas, jamantietiene, ya manogcha yan manpasensia.
16� Ni uno ni ma�o�onggue candet, utampe nu y batde pat upolo gui papa catre, lao upolo gui jilo lamasa para y jumajalom ulie y manana.
17Sa taya manaatog ya ti umafatan�aejon; ni gae gui secreto ya ti umatungo, ujuyong gui manana.
18Guesadaje jaftaemano y jiningogmiyo: sa masquesea jaye y guaja, umanae; lao masquesea jaye y taya, unajanao ayo y pinelo�a na uguaja.
19� Ayonae manmato guiya g�iya si nana�a yan y ma�elu�a, lao tisi�a manlatguato guiya g�iya pot y linajyan taotao.
20Ya masangane, ileg�ija nu g�iya: Si nanamo yan y ma�elumo manmatotojgue gui sanjiyong na manmalago na unmalie.
21Ya manope ya ileg�a nu sija: Y nanajo yan y ma�elujo, ayosija y jumungog y sinangan Yuus ya jafatinas.
22� Ya susede y uno gui ayosija jaane nae, na jumalom gui un batco, g�iya yan y disipolu�a sija; ya ileg�a nu sija: Nije tafanjanao y otro banda jagoe; ya manjanao.
23Ya anae mumamayama sija, g�iya maego; ya manguaefe un dangculon, pagyo y manglo gui jagoe; ya bula y batco janom ya mangaegue sija gui peligro.
24Ya manmato guiya g�iya, ya mapangon, ileg�ija: Maestro, maestro, tafanmalingo. Ya magmata, ya jalalatde y manglo yan y chaochao y janom; ya pumara, ya jumuyong malinao.
25Ya ileg�a nu sija: Mano nae gaegue jinengguenmiyo? Ya sija manmaa�ao ya ninafanmanman, ileg�ija uno yan otro: Jaye este, na asta y manglo yan y janom jatago ya maoosgueja?
26� Ya manmato asta, y tano y taotao Gadara sija, ni gaegue gui sanmenan y Galilea.
27Ya anae jumanao para y tano, umasoda yan un taotao gui jiyong y siuda na gaemanganite; ya apmam na tiempo ti minagagago ni usaga gui guima, na y naftanja.
28Ya anae jalie si Jesus, umagang, ya jatombag�e gui mena�a ya ileg�a ni dangculo na inagang: Para jafayo nu jago Jesus, Lajin Yuus Gueftaquilo? Jusuplica jao na chamoyo sumasapet.
29Sa jatago y espiritun �placha na ufanjanao gui taotao; sa apmam na tiempo na maguot g�e: mamantiene g�e preso ya magode nu y cadena yan tale sija; ya jayamag y guinede ya quinene ni y manganite asta y desierto sija.
30Ya finaesen as Jesus: Jaye naanmo? Ya g�iya ileg�a: Linajyan; sa megae na manganite manjalom guiya g�iya.
31Ya masuplica g�e na cha�a tumatago na ufanjanao para y tadong na joyo.
32Ya estaba g�ije un inetnon babue na lajyan na ma�ochocho gui jalom tano: ya masuplica g�e na ufanpinelo ya ufanjalom g�ije sija. Ya manpinelo.
33Ya anae manjuyong y manganite gui taotao, manjalom gui babue ya y inetnon manmanunugo sajyao guato gui un didog gui jagoe ya manmatmos.
34Ya ayo sija munafa�ochocho y babue anae jalie y mafatinas, manmapos ya jasangane y taotao siuda yan gui fangualuan.
35Ya manjanao para ujalie y mafatinas; ya manmato gui as Jesus; ya masoda y taotao ni anae guinin jumuyong y manganite, na minagagago ya guaja jinaso�a cabales, ya matatachong gui adeng Jesus; ya ninafanmaa�ao.
36Ya mansinangane ni lumie, jafa taemano manamagong�a ayo y guinin jinatme manganite.
37� Ayonae todo y taotao gui tano y Gadarenos yan todo y oriyan, magagao na ujanao guiya sija; sa mansenmaa�ao; ya g�iya cajulo gui batco ya tumalo tate.
38Lao ayo na taotao anae guinun manjuyong y manganite, siniplica g�e para usaga guiya g�iya; lao janajanao ya ileg�a:
39Talo guato guiya jamyo ya unfa�angane jaftaemano na dangculon g�inaja finatinas�a si Yuus nu jago. Ya gui�a jumanao, ya jasangan�aejon todo gui siuda jaftaemano finatinas�a si Jesus nu g�iya.
40� Ya anae tumalo guato si Jesus maresibe ni y linajyan taotao sija ya mangosmagof; sa todoja numananggaja.
41Ya estag�e, un taotao na y naan�a si Jairo, ya g�iya locue magas y sinagoga; mato ya jatombag�e papa gui adeng Jesus, ya jagagao na ujalom gui guima�a.
42Sa guaja unoja jaga�a na esta guaja dose a�os, ya estaba jijot na umatae. Ya anae jumanao maapupura g�e ni linajyan taotao sija.
43� Ya un palaoan na numanajuyong j�g� esta dose a�os, esta jalachae gumasta todo y g�inaja�a ni jaapase�aejon medico, lao taya si�a munamagong,
44Mato gui tate�a ya japacha y madoblan magagu�a, ya enseguidas esta bumasta y j�g��a.
45Ayonae si Jesus ileg�a: Jayeyo pumacha? Lao anae todos japune ileg�a si Pedro yan y mangachong�a: Maestro, y linajyan taotao umanoriya jao yan machichiguit jao,
46Lao si Jesus ileg�a: Guajayo pumacha; sa guajo jutungo na guaja ninasi�a jumuyong guiya guajo.
47Ayonae y palaoan anae jalie na ti si�a janaatog, mato ya manlalaolao, ya jatombag�e gui mena�a, ya jasangan gui menan y taotao sija todos, pot jafa na japacha, yan jaftaemano na ninajomlo enseguidas.
48Ya ileg�a nu g�iya: Hija, y jinengguemo unninajomlo; janao ya upas.
49� Ya mientras cumuecuentos, mato uno ni taotao y magas y sinagoga ya ileg�a: Y jagamo matae, chamo umestototba y Maestro.
50Ya anae jajungog si Jesus manopeg�e: Chamo maaa�ao; jonggueja sa g�iya ujomlo.
51Ya anae mato gui guima, taya japolo na ujalom yan g�iya na si Pedro, si Juan, yan si Santiago, yan y tatan y patgon, yan y nana�a.
52Ya todos mangacasao, yan malamementag�e; lao ileg�a: Chamiyo fangacasao; sa ti matae, lao mamaego.
53Ya mach�chatgue g�e, sa matungoja na esta matae.
54Lao g�iya jamantiene y canae�a ya jaagang ileg�a: Patgon palaoan, cajulo.
55Ya mato y espiritu�a talo, ya enseguidas cajulo; ya manago na umanachocho.
56Ya ninafanmanman y ma�aena�a: lao jaencatga na cha�ija sumangangane ni un taotao jafa y mafatinas.