1YA despues di estesija, jumanao si Pablo guiya Atenas ya mato Corinto:
2Ya jasoda un Judio na naan�a si Aquila, mafa�agon Ponto, ni ti apmamam na mato guinin Italia, yan y asagua�a as Prisila, sa manago si Claudio na todo y Judios ufanjanao Roma; ya mato guiya sija.
3Sa parejoja checho�i�ija, ya sumaga yan sija, ya machochoeho: sa y checho�i�ija manmamatitinas y guima tienda.
4Ya ma�angangane gui sinagoga cada sabado, ya japrocucura para usuug y Judio yan y Griego sija.
5� Lao anae mato si Silas yan Timoteo guinin Masedonia, si Pablo chineneg ni sinangan na unamatungo gui Judios na si Jesus y Cristo.
6Ya anae macontra sija yan machatfino nu sija, jasacude y magagu�a, ya ileg�a nu sija: Y j�g�miyo gui jilo y ilunmiyo: guajo gasgasyo; ya desde pago bae jujanao para y Gentiles.
7Ya mapos ya jumalom gui guima un taotao na y naan�a si Tito Justo na manadodora as Yuus, na y guima�a jijot gui sinagoga.
8Ya si Crispo magas y sinagoga, jajonggue y Se�ot, yan todo y guima�a: ya megae na taotao Corinto jumungog ya manjonggue ya manmatagpange.
9Ya y Se�ot jacuentuse si Pablo gui puenge gui vision, ileg�a: Chamo maaa�ao, lao cuentos, ya chamo famatquiquilo:
10Sa gaegueyo guiya jago, ya taya taotao si�a guaguato guiya jago para unninalamen: sa megae taotaojo g�ine na siuda.
11Ya sumaga g�ije un a�o yan saes meses, jafananag�e sija ni y sinangan Yuus.
12� Ya anae si Gali�n magalajen Acaya, y Judio sija mangajulo, gui un jinasoja, contra si Pablo, ya macone gui menan y tribunal,
13Ileg�ija: Este na taotao jasuug y taotao sija para ujaadora si Yuus contra y lay.
14Ya anae para ubaba si Pablo y pachot�a, si Gali�n ileg�a ni y Judio sija: Yaguin mojon jafa na inechong pat tinaelaye, O jamyo Judios, con rason jusungon jamyo.
15Lao ya yaguin y finaesen finijoja, yan naan sija, yan y laymiyo, adaje maesa jamyo; sa guajo ti malagoyo ujues ni enao na g�inaja.
16Ya janafa�uja gui tribunal.
17Ayonae todosija maguut si Sostenes, magas y sinagoga, ya masaulag gui menan y tribunal. Ya si Gali�n, ti jaatituye ayo sija na g�inaja.
18� Ya sumaga si Pablo g�ije megae na jaane, ya despues jadingo y ma�elo, ya mangagama gui batco desde ayo asta Siria, ya sumisija yan si Prisila, yan Aquila; ya maguasguas y ilu�a guiya Cencrea: sa gae promesa.
19Ya manmato Efeso ya jadingo sija g�ije: ya g�iyaja jumalom gui sinagoga, ya jaadingane y Judios.
20Ya anae magagaog�e na usaga apmam yan sija, ti malago;
21Lao jadingo sija ileg�a: Bae jutalo mague guiya jamyo, yaguin malago si Yuus. Ya mangama gui batco desde Efeso.
22Ya anae tumayog gui tano Sesarea, cumajulo, ya jasaluda y iglesia, ya mapos papa Antioquia.
23Ya despues di sumaga g�ije ti apmam na tiempo, maposg�e ya jajanag�e todo y inanaco tano Galasia, yan Frygia, para unafanmetgot todo y disipulo.
24� Ya mato guiya Efeso un taotao na Judio, na y naan�a si Apolos, mafa�agon Alejandria, un taotao na faye, yan gaeninasi�a gui Tinigue sija.
25Este na taotao, mafanag�e ni y chalan y Se�ot; maepe gui Espiritu, jasasangan yan mamananag�e claro ni y chalan y Se�ot, lao ayoja tinagpangenja Juan tiningo�a:
26Ya jatutujon sumangan ni y minatatnga gui sinagoga: ya anae jiningog as Prisila yan Aquila, macone ya mafanag�e mas claro ni y chalan Yuus.
27Ya anae malago malofan Acaya, y ma�elo mananima g�e ya manmanugue para y disipulo ya manmaencatga na umaresibe g�e: ya anae mato jaayuda megae ayo sija y manmanjonggue pot y grasia:
28Sa gosjanasi�a macontra y Judios, y publico nae jafanunue ni y Tinigue sija, na si Jesus y Cristo.